Львовда шу шиор остида урушда ўлдирилган болалар хотирасига бағишланган учун акция ўтказилди.

Маълумотларга кўра, Россия Украинага ҳужум бошлаганидан бери рус қўшинлари томонидан 109 нафар украин болалари ўлдирган. Шу муносабат билан Львовда ҳалок бўлган болалар хотирасига бағишланган акция ўтказилди. Одамлар шаҳар марказига бўш аравачаларни қўйиб қўйган.

Львов мэри Андрей Садовийнинг сўзларига кўра, “Рынок” майдонидаги бўш чақалоқ аравачалари Украина осмонини ҳимоя қилаётган фаришталарнинг ҳаёт рамзидир.

«Бу – Украина бугун тўлаётган урушнинг даҳшатли нархи. Биз эса бутун дунёдаги барча катталарни украиналик болаларни ягона қалқон билан ҳимоя қилишга ва уларга келажак беришга чақирамиз. Бошқа давлатлар ҳукуматларидан Украина осмонини ёпишни талаб қилинг», — деган у.

Львов мэри маҳаллий аҳоли акцияни суратга олиши, Россия жиноятлари ҳақида гапириши ва ижтимоий тармоқларда #closethesky ҳештеги билан чоп этиши кераклигини қўшимча қилган.

Маълумот ўрнида: Россиянинг ҳужумидан жабрланган болаларнинг аксарияти Киев (55), Харьков (34), Донецк (26), Чернигов (29), Николаев (20), Житомир (15), Суми (14), Херсон (14) ҳудудларидадир. 

Украина расмийларининг маълум қилишича, кеча, 18 март ҳолатига кўра, Россия бошлаган урушда 109 нафар бола қурбон бўлган, 130 дан ортиқ бола жароҳат олган.