Киевда рус тилидаги мусиқа, китоблар, рус тилидаги театр ва цирк томошаларини тақиқлаш ҳақидаги қарорни Киев шаҳар кенгашининг 71 депутати қўллаб-қувватлади. 

Киев шаҳар кенгашининг таълим ва фан, ёшлар ва спорт масалалари бўйича доимий комиссияси раҳбари Вадим Василчукнинг сўзларига кўра, “Украина пойтахти ҳудудида рус тилидаги маданий маҳсулотни тақиқлаш тўғрисида”ги қарор “Украина ахборот майдонини тажовузкор давлатнинг гибрид таъсиридан ҳимоя қилиш” мақсадида қабул қилинган. 

"Аслида, маданият соҳасидаги фаолиятни амалга ошириш жараёнида яратилган рус тилидаги товарлар ва хизматларни жамоатчиликка ёритиш ва намойиш қилишни тақиқлаш назарда тутилган. Булар китоблар, бадиий албомлар, аудиовизуал асарлар, мусиқали овоз ёзувлари, ҳунармандчилик, театр ва цирк томошалари, концертлар ва маданий-маърифий хизматлар рус тили босқинчи мамлакатнинг тили бўлиб, пойтахтимизнинг қоқ марказида унга ўрин йўқ”, — деган Василчук.

Шунингдек, у, бундан ташқари, мораторий бадиий, тарихий, этнографик ва илмий аҳамиятга эга бўлган ҳамда Украина қонунчилигига мувофиқ сақланиши, кўпайтирилиши ва муҳофаза қилиниши лозим бўлган моддий ва маънавий маданият объектларига ҳам татбиқ этилишини қўшимча қилган.

Киев метросида Пушкин, Менделеев, Ломоносов ва Горкийнинг бюстлари қутилар билан қопланган: улар олиб ташланади.

Россиянинг Украинага кенг миқёсли босқинининг бошланиши билан Киев ҳукумати пойтахтнинг Россия ёки СССР билан боғлиқ бўлган объектлари номини ўзгартириш бўйича ишларни кучайтирди.

2023 йил апрел ойида Киев расмийлари Россия элчихонаси билан ер ижараси шартномасини бекор қилди ва Украина ҳукуматига унинг мулкини давлат ҳисобига қайтариш талаби билан мурожаат қилди. Россиянинг Украинадаги элчихонаси 2022 йил 24 февралдан бери ёпилган. 

Россия Федерацияси элчихона биноси учун 1992 йилда Киевнинг Соломенский туманидаги Воздухофлотский проспекти 27-уйдаги 0,39 гектар ерни ижарага олган эди.