Афғонистон шимолида жойлашган Мозори Шариф шаҳридаги шиаларга қарашли масжидининг портлаши учун жавобгарликни ИШИД террор ташкилоти ўз зиммасига олди. Бу ҳақда гуруҳ жангарилари ижтимоий тармоқлардаги аккаунтлари орқали маълумот тарқатди.
Гувоҳларнинг айтишича, портлаш қурбонлари сони 31 кишига етган, 80 дан ортиқ киши жароҳатланган. Ҳужум пешин намози вақтида амалга оширилгани айтилмоқда.
Аввалроқ Мозори Шариф шаҳар шифохонаси шифокори Ғавсуддин Анварий масжидлардан бирида содир бўлгани, портлаш оқибатида камида ўн киши ҳалок бўлгани ва 40 киши жароҳатлангани ҳақида хабар берган эди.
Гувоҳларнинг сўзларига кўра, худкуш-террорчи намоз ўқиётганда ўзини портлатиб юборган.
