Теҳроннинг юқори мартабали дипломати Ҳусайн Амирабдуллоҳиён якшанба куни АҚШ Бош котибининг Афғонистондаги вазиятни мустақил баҳолаш бўйича махсус координатори Фаридун Синирлиўғли билан учрашди, дея хабар беради Эрон Ташқи ишлар вазирлиги душанба куни берган баёнотида.

Теҳрон Синирлиўғлига Афғонистон бўйича минтақавий ташаббусларни олға суришга тайёрлигини айтган  Амирабдоллоҳиён БМТнинг бу борадаги “марказий ролини” таъкидлади.

Учрашув Москва Афғонистоннинг амалдаги ҳукмдорлари “Толибон”ни Афғонистон бўйича йиғилишга таклиф қилган куннинг эртасига бўлиб ўтди.

Россиянинг Афғонистондаги элчиси Дмитрий Жирнов шанба куни ташқи ишлар вазири вазифасини бажарувчи Мавлавий Амирхон Муттақий билан учрашувда “Толибон” маъмуриятига таклифнома юборган эди.

Жирнов Муттақийни бўлажак “Афғонистон бўйича Москва формати” ҳақида маълумот берди ва Афғонистон бош дипломати вазифасини бажарувчини учрашувда иштирок этишга таклиф қилди, деди Афғонистон ТИВ матбуот котиби ўринбосари Ҳафиз Зиё Аҳмад.

Якшанба куни Теҳронда Амирабдуллоҳиён БМТ расмийсига: "Афғонистонда инклюзив ҳукумат тузиш ва терроризмга қарши кураш муҳим аҳамиятга эга", деди.

Шунингдек, у “Афғонистон муаммоларини ҳал қилишда ёрдам бериш учун” минтақавий ташаббусларни, айниқса қўшнилар доирасида қўллаб-қувватлаш зарурлигини таъкидлаган.

Эрон Ташқи ишлар вазири: “Афғонистон шошилинч ечимларга муҳтож ва агар халқаро ҳамжамият бу давлатнинг террорчи гуруҳлар ҳаракати сабаб бўлган хавфсизлик муаммоларига жиддий эътибор бермаса, унинг салбий оқибатлари минтақа ва дунёга таъсир қилади”, деган.

Афғонистон ташқи ишлар вазирининг айтишича, “Афғонистон бўйича Москва формати” “минтақа давлатлари ўртасидаги мувофиқлаштиришни мустаҳкамлашда муҳим рол ўйнайди”.

Муттаки Кобул ҳам, Москва ҳам “дипломатик муносабатлар доирасидаги учрашувдан унумли фойдаланишига” умид билдирди.

У, шунингдек, Россия элчисини “ҳам тадбиркорлар, ҳам бошқа афғонлар Россияга бемалол боришлари учун визалар берилишини осонлаштиришга” чақирди.