Чекловлар кейинги ойдан кучга киради

Япония 1 августдан бошлаб Россиядан олтин олиб киришга тақиқ жорий қилмоқчи, дея хабар бермоқда “Интерфакс” нашри  мамлакат молия вазирлигига таяниб.

Тегишли тақиқ Япония ҳукумати томонидан тасдиқланган. Дастлаб, ҳужжат Вазирлар Маҳкамасида Япония Россияга алоқадор шахсларнинг активларини музлатиш бўйича чора-тадбирларни тасдиқлаганида қабул қилинган.

22 июль куни Европа Иттифоқи Россияга қарши худди шундай санкцияларни жорий қилган эди. Хусусан, энергия манбаларидан кейин Россиянинг энг муҳим экспорти бўлган олтинни тўғридан-тўғри ва билвосита олиб кириш, сотиб олиш ёки ўтказиш тақиқланган.