Япониянинг Саудия Арабистонидаги элчиси Фумио Иваи Қуръон ўқишга бўлган иштиёқи сирини очиб берди. Фумио Иваи Саудия телеканалларидан биридаги кўрсатувда сўзлаган нутқида шундай деган: “Узоқ вақт араб тилини ўрганиб, араб дунёсида ишлаганимдан сўнг, мен Қуръони Каримни ўқишга ҳаракат қилдим, чунки ислом дини дунёда одамларнинг турмуш тарзига катта таъсир кўрсатади".

Элчи Қуръондан сураларни, жумладан, “Фотиҳа” сурасини ёд олганини айтади. Кўрсатув бошловчиси ундан Қуръон ўқиб беришни сўраганида, “Фотиҳа” сурасини ўқиб берган. Фумио Қуръон ўқиш унинг араб тили бўйича билимини оширишга ёрдам беришини таъкидлаган.