Будапешт расмийлари Сербия ҳукумати билан сиёсий қарама-қаршиликларни ҳал қилмагунча, қисман тан олинган Косовонинг Европа Кенгашига қўшилишини қўллаб-қувватламайди. 

Бу ҳақда Венгрия ташқи ишлар ва ташқи иқтисодий алоқалар вазири Петер Сийярто ўтказилган матбуот анжуманида айтди. 

Журналистларнинг саволларига жавоб берар экан, у Венгрия Белград ва Приштина ўртасидаги мулоқот орқали Косово атрофидаги вазият тинч йўл билан ҳал этилишидан манфаатдор эканини таъкидлади. 

Шу билан бирга, "агар турли Европа ташкилотлари Косовони муддатидан олдин ўз аъзолигига қабул қилсалар, керакли муроса топишдаги муваффақият хавф остида қолиши мумкин". Ташқи ишлар вазири Венгрия Косовони Европа Кенгашига қабул қилинишига қарши эканлигини шундай тушунтирган.