Бир пайтлар Ўзбекистонга четдан келтирилган ёки жуда кам етиштирилган хурмо меваси эндиликда экспорт қилинмоқда. Айни пайтда меванинг пишиб, етилганини ҳисобга олсак, экспорт ҳажми янада ошиши мумкин.
Давлат статистика қўмитаси маълумотларига кўра, 2022 йилнинг январь-октябрь ойларида Ўзбекистон қиймати 27,3 миллион АҚШ долларига тенг 45,6 минг тонна хурмо экспорт қилган.
Хурмо экспорти 2021 йилнинг мос даври билан солиштирилганда 7,5 минг тоннага ошган.
2022 йилнинг 10 ойида Ўзбекистон Россияга 26,2 минг тонна, Қозоғистонга 15,3 минг тонна, Қирғизистонга 2 минг тонна хурмо экспорт қилган.
Туркманистон, Белоруссия, Польша сингари давлатлар ҳам Ўзбекистон хурмосига энг кўп харидорлар рўйхатидан жой олган.
