Ўзбекистон Президенти Шавкат Мирзиёев сентябрь ойида Озарбайжонга ташриф буюради, деб хабар қилган Озарбайжон Республикаси Диаспора билан ишлаш давлат қўмитаси.

Тошкентдаги «Янги Ўзбекистон» боғида ўтказилган Наврўз байрами муносабати билан ўтказилган байрам тантаналарида Республика озарбайжон миллий-маданий маркази томонидан ташкил этилган тадбир доирасидаги Озарбайжон кўргазмасини бориб кўрган Ўзбекистон Президенти Шавкат Мирзиёев диаспора вакиллари билан учрашди. Ўзбекистон Президенти озарбайжон диаспораси вакилларини байрам билан табриклар экан, кўргазмада намойиш этилган экспонатлар билан танишди, озарбайжон мусиқа ва қўшиқларини тинглади. Суҳбат чоғида Шавкат Мирзиёев сентябрь ойида Озарбайжонга ташриф буюришини ва ташриф доирасида Физулида Ўзбекистон томонидан қурилаётган мактабнинг очилиш маросимида иштирок этишини айтган.

Марказ раҳбарияти озарбайжонликлар номидан Ўзбекистон давлат раҳбарига миннатдорлик билдирди.