Британиянинг “Challenger 2” танклари Украинага етиб келди. Улар билан бирга Украина Қуролли Кучларининг ҳарбий хизматчилари Буюк Британияда бир неча ҳафта давомида уларни бошқариш учун ўқитилиб, уйларига қайтишди.
Умуман олганда, Лондон ваъда қилинган 28 та танкдан 14 тасини, шунингдек, бир нечта “Булдог” зирҳли транспорт воситаларини ва ўзиюрар артиллерия мосламаларини юборган.
“Челленжер”ларни биринчилардан бўлиб кутиб олган ва ҳатто синовдан ўтказганлардан бири Украина мудофаа вазири Олексий Резников бўлди.
Бир неча соат олдин Германия канцлери Олаф Шольц узоқ кутилган 18 та “Leopard 2” танки ҳам Украинага етиб келганини тасдиқлади.
«Ҳа, биз “Leopard” танкларини ваъда қилинганидек етказиб бердик», деган Германия канцлери Олаф Шольц.
“Challenger 2” ҳам, “Leopard 2” ҳам Украинанинг мамлакат шарқида кутилаётган ҳужумида муҳим роль ўйнаши кутилмоқда. Шу билан бирга, немис танклари анча кўп, чунки улар Украинага этказиб беришни эълон қилган бир қатор Европа мамлакатлари армияларининг бир қисмидир.
