Туркия Инсон ҳуқуқ ва эркинликларини ҳимоя қилиш ва инсонпарварлик ёрдами вақфи бу йил Қурбон ҳайити муносабати билан 60 давлатда 526 минг оилага қурбонлик гўшти тарқатди.
Вақф маълумотларига кўра, Туркиядан ташқари Яқин Шарқ, Африка, Марказий Осиё, Кавказ ва Жанубий Осиё, Болқон ярим ороли, Европа ва Америкага 65 минг 775 пакет қурбонлик гўшти тарқатган.
Ўтган йили Қурбон ҳайити муносабати билан жамғарма томонидан Туркия ва хориждаги 62 минг ёрдамга муҳтож инсонга қурбонлик гўшти етказилганди.
Вақф ходимлари нафақат қурбонлик гўшти тарқатиш, балки кам таъминланган оилаларнинг турмуш шароитини яхшилашга қаратилган турли лойиҳаларни қўллаб-қувватламоқда.
Бундан ташқари, вақфчилар Туркия ва дунёнинг 13 давлатидаги 41 минг 416 нафар етим ва қийналган оила фарзандларига кийим-кечак етказиб берди.
