Туркия Буюк Миллат Мажлисида (парламентида) турк ҳарбийларининг БМТ муваққат кучларининг Ливандаги миссиясида иштирок этиши учун берилган мандат ваколатларини 1 йилга узайтириш ҳақидаги президент фармони лойиҳаси кўриб чиқилди.
Ҳужжатга кўра, Туркия ҳарбий хизматчиларининг БМТнинг Ливандаги Муваққат кучларида (UNIFIL) сафида қолиш муддати 2023 йил 30 октябргача узайтирилади.
Мандат биринчи марта Туркия парламенти томонидан 2006 йил сентябрь ойида тасдиқланган.
Қонун лойиҳасида Туркиянинг UNIFILдаги иштироки БМТ тизимида ҳам минтақавий, ҳам глобал миқёсда тинчлик ва барқарорликни сақлаш сиёсатига содиқлигидан ҳамда кенг кўламли фуқаролик-ҳарбий ҳамкорлик фаолияти билан боғлиқлиги қайд этилган.
1 сентябрь куни БМТ Хавфсизлик Кенгаши ташкилотнинг Ливандаги Муваққат кучлари (UNIFIL) мандатини яна бир йилга, 2023 йил 31 августгача узайтириш тўғрисидаги резолюцияни бир овоздан қабул қилганди.
