Туркия ички ишлар вазири Сулаймон Сойлу Истанбулда ёшлар билан учрашувда АҚШга қарши бир қатор кескин баёнотлар бериб, хусусан, Вашингтон «обрўсини йўқотишда давом этаётгани» ва бутун дунё «Америкадан нафратланишини» таъкидлаган.

«Европа деган нарса йўқ, муболаға қилманг», - дея вазирнинг сўзларидан иқтибос келтиради Истанбулнинг “Aydınlık” газетаси. - Фақат Америка бор. Европа эса Америка поездининг вагонларидан биридир. Европанинг бошқа ўзига хос хусусиятлари йўқ”.

Туркия ИИВ раҳбарининг сўзларига кўра, «Европа етакчилари доимий равишда ўз таъсирини йўқотмоқда, аҳоли эса қариб бормоқда».

«Европаликлар ишлаб чиқариш қийинчиликларини бошдан кечирмоқда ва бунда давом этишади», дейди Сулаймон Сойлу. Европа Американинг Африкадаги пиёдаси. Бутун дунё Америкадан нафратланади. Барча Африка давлатлари уларни эксплуатация қилаётган давлатлардан нафратланади”.

Сойлунинг фикрича, Ғарб аллақачон суверенитетини йўқотган.

«Улар энди суверенитетга эга эмас, лекин одатларини сақлаб қолишга ҳаракат қилмоқдалар», деди вазир. - Туркия тарихи ўзгармоқда. Бўлажак сайловлар эса уни бутунлай ўзгартиради. Шунинг учун ҳам Америка ҳам, Европа ҳам бизга босим ўтказди. Шунинг учун RКК Қандил тоғидан бизга тажовуз қилмоқда. Бу Ражаб Тоййиб Эрдоғаннинг танлови эмас, бу Туркиянинг келажак авлодларининг танлови, тўлиқ мустақиллик танловидир”.

Эслатиб ўтамиз, Туркияда президентлик ва парламент сайловлари 14 майга белгиланган.