Журналист-сенатор давлат харидларидаги ўйинларни қаттиқ танқид қилди. 

Олий Мажлис Сенатининг навбатдаги мажлисида сенатор, Ўзбекистон Журналистлар уюшмаси Самарқанд вилояти бўлими раиси Фармон Тошев молия, бюджет тизимидаги муаммолар ҳақида аччиқ ва оғриқли муаммоларни гапирди:

«Халқ таълими тендерда ютиб олган ҳамма нарса «брак» чиқмоқда. Энг қизиғи, мактабга компьютер олиб келяпти. Уни қайтариб берамиз десак, 15 секундда пул кўчирилади. Лекин 6 ойдан буён бу пулни қайтариб ололмаймиз... Биз нима учун бу мавзуни кўтаряпмиз, агар шу тендерга ютиб олган одам — давлат харидларидагилар жазо олганда эди, биз бундай ҳолатга тушмасдик. Мана шуни айтмоқчимиз, холос...».

«Бу ишларни амалга оширишни ўзимизга беринг, бошқалар аралашмасин, ҳаром пуллар кирмасин тендерга...», — дея қўшимча қилди сенатор.