2023 йил 4 январда Ўзбекистон мусулмонлари идораси раиси, муфтий Нуриддин Холиқназаров раислигида Тошкент шаҳрида фаолият юритаётган имом-хатибларнинг йиғилиши бўлиб ўтди.

Танқидий руҳда ўтган йиғилишда йўл қўйилган хатолар, фуқаролар мурожаатини тинглашдаги камчиликлар, аҳоли билан ишлаш ҳамда мусулмонларнинг эҳтиёжларини таъминлашдаги муаммолар таҳлил қилинди. 

Шунингдек, мажлисда, пойтахтдаги бир нечта туман бош имом-хатиби ва марказий масжид имом-хатиби вазифалари вакант бўлиб тургани оқибатида келиб тушаётган шикоятларга ҳам эътибор қаратилди.

Йиғилишда ташкилий масала кўрилди. Унга кўра, Раҳматуллоҳ Сайфуддинов ўз аризасига биноан Тошкент шаҳар бош имом-хатиби вазифасидан озод этилди. “Абу Сахий” жоме масжиди имом-хатиби Абдуқаҳҳор Юнусов Тошкент шаҳар бош имом-хатиби вазифасини бажарувчиси этиб тайинланди.