Бунга ўқувчининг дарсга тайёргарлик кўрмагани сабаб бўлган.

Ижтимоий тармоқларда синфхонада мактаб ўқувчиси ўқитувчиси томонидан калтаклангани акс этган видео тарқалди.

Мазкур ҳолат юзасидан Бош прокуратура матбуот хизмати баёнот берди.

Аниқланишича, 22 апрель куни Бандихон тумани 4-мактабнинг инглиз тили фани ўқитувчиси 9-синф ўқувчиси дарс машғулотларига тайёргарлик кўрмасдан келгани учун уни урган. 

Ҳолат юзасидан Бандихон тумани ИИБ томонидан терговга қадар текширув ҳаракатлари бошланди.

Текшириш давомида ўқитувчининг хатти-ҳаракатлари юзасидан хизмат текшируви тайинланган. 

Текширув ҳаракатлари Сурхондарё вилояти прокуратураси томонидан алоҳида назоратга олинган.