Суданда 15 апрелдан бери армия ва Тезкор ҳаракат кучлари ўртасидаги тўқнашувларда 822 нафар тинч аҳоли ҳалок бўлди, 3215 нафари яраланди.

Суданлик шифокорлар иттифоқи маълумотларига кўра, статистик маълумотларга Шарқий Африка мамлакати пойтахти Хартум, Ал-Убайд ва Ғарбий Дарфур штатидаги Ал-Жунайна шаҳридаги тинч аҳоли ўлими ҳам киради.

Ҳисоботга кўра, давом этаётган жанглар пойтахт Хартум ва айрим штатларда янги қурбонларни келтириб чиқарган.

15 апрель куни Суданнинг Хартум ва бошқа қатор шаҳарларида армия ва Тезкор ҳаракат кучлари ўртасида тўқнашувлар бошланганди.

ЖССТ аввалроқ тўқнашувлар қурбонлари сони 604 нафарга, жароҳатланганлар сони эса 5127 кишига етганини маълум қилган.

11 май куни Саудия Арабистонининг Жидда шаҳрида томонларнинг музокаралари якунида «Жидда декларацияси» имзоланди.