Мудофаа вазирлиги ҳолат юзасидан расмий маълумот берди

«Ўзгидромет» мутахассиси Эркин Абдулаҳатов маҳаллий вақт билан соат 04:52 да Сирдарё вилоятидаги ҳарбий қисмда портлаш рўй бергани ҳақида ёзди.

Э.Абдулаҳатовга кўра, Сирдарё вилоятининг Сирдарё туманида истиқомат қилувчи аҳоли кучли гумбурлаш, осмоннинг қизғиш рангга кириши гувоҳи бўлган.

Портлаш юқоридаги камерага олинган объектдан 5 км узоқликда рўй берган. Чунки чақнашдан сўнг акустик тўлқин 15 секунд ўтиб объектга етиб келган. Бу портлаш ва объект ўртасидаги масофа 5 км эканини англатади. Ҳавода товушнинг тарқалиш тезлиги секундига 335 метрга тенг.

Таъкидланишича, Сирдарё туманида аҳоли яшаш объектлари, савдо-шохобчалари, магазин ва бошқа ижтимоий объект дераза ойналари акустик тўлқиндан синган.

Мудофа вазирлигининг маълум қилишича, 22 октябрь куни соат 04:55 да Сирдарё вилояти Малик аҳоли пунктидаги Мудофаа вазирлиги омборида якка тартибда портлаш содир бўлган. Ҳодиса оқибатида талафот кўрганлар ва жабрланганлар йўқ. Ҳозирда суриштурув ишлари олиб борилмоқда.