Хабарингиз бор, Президент Шавкат Мирзиёев 5 январь куни қисқа муддатли меҳнат таътилига чиққан эди. Орадан икки кун ўтиб, 7 январь куни давлатимиз раҳбари одатдаги тартибда ишлашга киришган.

«Ўзбекистон 24» телеканалида намойиш этилган «Менимча» телекўрсатувида президент матбуот котиби Шерзод Асадов давлатимиз раҳбари Қозоғистонда содир бўлган воқеалар сабаб таътилдан эрта қайтганини таъкидлаган.

«Қозоғистондаги воқеалар бошланиши билан президентимиз учта давлат раҳбари билан телефонда гаплашиб, минтақадаги вазият ва қўшни давлатдаги воқеаларнинг таъсирини муҳокама қилдилар. Халқимиз тинчлиги, фаровонлиги ва хавфсизлиги президент учун биринчи ўринда туради ва у киши доим халқимиз билан бирга. Давлат раҳбари таътилдан тез қайтишларининг сабаби Қозоғистондаги тинчлик тарафдори эканликларидир», – деди Шерзод Асадов кўрсатувда.