Саудия Арабистони Ямандан 19 киши ва ташкилотни терроризмни қўллаб-қувватлаганликда айблаб, террор ташкилоти рўйхатига киритганини маълум қилди.

Саудия Арабистони жамоат хавфсизлиги бошқармаси ўзининг расмий Тwitter саҳифасида хусийлар, ал-Қоида террор ташкилоти ва Ислом инқилоби қўриқчилари корпуси билан ҳамкорлик қилиш ва уларни қўллаб-қувватлашда айбланган яманлик 8 нафар киши ва 11 та ташкилот террорчилар рўйхатига киритилганини маълум қилди.  

Жисмоний шахслар ва ташкилотлар номига расмийлаштирилган барча активлар музлатилади, улар билан ҳамкорлик қилиш тақиқланади. 

Саудия Арабистони бу одамлар ва ташкилотларни хусийларга қурол етказиб беришда, пул ва нефт контрабандасига ёрдам беришда айблайди. Баёнотда айтилишича, хусий террорчиларнинг фаолиятини чеклаш ишлари давом этади. 

Саудия Арабистони охирги ҳафтада иккинчи марта террорчилик ташкилотлари рўйхатини янгилади.

Ар-Риёз томонидан 7 июнь куни берилган баёнотга кўра, террорчилар рўйхатига Нигериядаги Ислом инқилоби қўриқчилари корпуси, ИШИД ва Боко Ҳарам билан алоқадор 16 шахс ва ташкилот киритилган.