Саудия Арабистони Ислом ишлари вазирлиги душанба кунидан бошлаб Жиддадаги подшо Абдулазиз халқаро аэропорти ва денгиз порти ҳамда бошқа мамлакатдан чиқиш жойлари орқали жўнаб кетаётган зиёратчиларга Икки муқаддас масжид ходими подшо Салмон совға сифатида жами бир миллион нусха Қуръони Карим тарқатишни бошлади.

Шунингдек, бу йил Ҳаж сафарида қатнашган давлат идоралари ходимларига ҳам ҳадялар топширилади.

Эълонда вазирлик ушбу совға подшо Фаҳднинг Мадинадаги Қуръон матбаа мажмуаси томонидан турли ўлчамларда ва 76 тилга қилинган таржималарда нашр этилган Исломнинг муқаддас китобини тарқатишда давом этиш тўғрисидаги қироллик буйруғига мувофиқ эканини таъкидлаган.