Россия ҳукумати мамлакат фуқароларини маънавий асослар ва анъанавий қадриятларни бузишга қаратилган ЛГБТ тарғибот фильмларининг зарарли таъсиридан ҳимоя қилади. Бу ҳақда islamnews сайти хабар бермоқда.
Ҳукумат қарорига кўра, бундай фильмлар прокат учун сертификат ололмайди. Шундай қилиб, Вазирлар Маҳкамаси яқинда қабул қилинган, жамоат жойларида педофилия ва ЛГБТ тарғиботини, шу жумладан, жинсини ҳар қандай шаклда ўзгартиришни тақиқловчи қонунни амалга киритмоқда.
Бунгача болалар учун бадиий мультфильмлар чиқаришга ихтисослашган Американинг Дисней киностудияси лойиҳаларнинг “инклюзивлигини ошириш” мақсадида ЛГБТ қаҳрамонлари сонини кўпайтириш режалари ҳақида маълум қилган эди. Контент билан шуғулланувчи корпорация вакили Кери Буркнинг айтишича, бу масала уни ҳеч ким каби ташвишга солмайди, чунки унинг иккала фарзанди ҳам жинсий озчилик вакилларидир.
