Россия суди Ўзбекистон биринчи президентининг тўнғич қизи Гулнора Каримованинг Москвадаги олтита квартирасини мусодара қилди, деб хабар бермоқда Россия матбуоти.
Ўзбекистон адлия вазири ўринбосари М. Икромовнинг аниқлик киритишича, Россия ва Ўзбекистон Каримованинг суд томонидан мусодара қилинган квартираларини сотишдан тушган маблағни тенг тақсимлайди, уларни амалга ошириш жараёни давом этмоқда.
«Каримова томонидан Москвада сотиб олинган олтита квартира мусодара қилинди. Олинган маблағлар, Москва суди қарорига кўра, Ўзбекистон ва Россия фойдасига тенг улушларда сарфланади», — деди Икромов. Унинг сўзларига кўра, ушбу тартиб-қоидаларга Россия суд ижрочилари жалб қилинган.
2020 йил февралида Москва суди Ўзбекистон судларининг Гулнора Каримова ва унинг шерикларига нисбатан чиқарилган ҳукмларини тан олгани хабар қилинган эди. Шу муносабат билан, мусодара қилинган мол-мулкни ва даромадларни мамлакатга қайтариш учун Россия Федерациясида сотиш бўйича чора-тадбирлар кўрилди.
