Хабаровск ўлкасининг Николаевский туманида тўртта баржа лангардан узилгани ҳақида Фавқулодда вазиятлар вазирлигининг Хабаровск ўлкасидаги бош бошқармаси маълум қилган.
“Улардан иккитаси Амур лиманининг шимолида (Сахалин кўрфазига яқинроқ), қолган иккитаси жанубда Сахалин ороли қирғоқлари яқинидаги жойлашган”, — дейилади хабарда.
Дастлабки маълумотларга кўра, баржа бортида 124 нафарга яқин одам бўлган. Уларни эвакуация қилиш учун Ми-8 вертолёти юборилган. Дастлабки 15 нафар балиқчи сувга чиққан, улар Озерпах қишлоғига етказилади.
Бир-бирига боғланган баржалар Байдуков ороли ҳудудидаги денгиз тўлқинлари таъсирида узилиб, жанубга, Сахалин томон ҳаракатлана бошлаган. Воқеа содир бўлган ҳудудга иккита шатакчи кема етиб борган. Николаев-на-Амур транспорт прокуратураси навигация хавфсизлиги тўғрисидаги қонун ҳужжатларининг бажарилишини текширишни бошлади.
