Ўзбекистонга аномал совуқ об-ҳаво кириб келиши муносабати билан барча бўғиндаги таълим муассасаларида қишки таътил муддати 17 январга қадар узайтирилди. Бу ҳақда ЎзА хабар бермоқда.
Ўқиш жараёнлари 18 январь, чоршанба кунидан бошланади.
Ўтган йилнинг декабрь ойида АОКАда Олий ва ўрта махсус таълим вазирлиги ахборот хизмати томонидан ўтказилган брифингда талабалар ва профессионал таълим муассасалари ўқувчилари учун қишки таътил муддати — 2022 йилнинг 26 декабридан 2023 йил 9 январига қадар этиб белгиланган эди.
Талабалар сотиб олган авиа ҳамда темир йўл чипталари тариф қисмидан 50 фоиз чегирма муддати ҳам 2023 йилнинг 18 январига қадар узайтирилди.
9 январгача харид қилинган авиа ва темир йўл чипталари бепул алмаштириб берилади.
Таътил узайтирилиши муносабати билан авиа ҳамда темир йўлларда қўшимча жой (рейс)лар ажратилади.
