Хитой раҳбари Си Цзинпин Қосим-Жомарт Токаевнинг таклифига биноан давлат ташрифи билан Қозоғистонда бўлди.
Қозоғистон президенти Қосим-Жомарт Токаев бугун, 14 сентябрь куни Нур-Султонда Хитой раҳбари Си Цзинпинни қабул қилди.
Икки давлат раҳбарлари стратегик шерикликни мустаҳкамлаш истиқболларини муҳокама қилмоқда.
Бир қатор икки томонлама ҳужжатлар имзоланиши режалаштирилган.
Си Цзинпин аввалроқ “Хитой-Қозоғистон муносабатлари анъанасини” давом эттиришга тайёр эканини айтган эди.
“Биз Хитой-Қозоғистон муносабатларининг сиёсий пойдеворини мустаҳкамлаш учун мамлакатларимизнинг туб манфаатлари ва асосий ташвишларига тааллуқли масалаларда бир-биримизни кучли қўллаб-қувватлашда давом этамиз”, — деди Хитой раҳбари.
