Қозоғистон мусулмонлари бошқармаси раиси Науризбай Тағанули мамлакатдаги савдо марказлари эгалари ва барча тадбиркорларни “Қора жума” акцияси номини “Саховатли жума” атамаси билан алмаштиришга чақирди.

“Бугунги кунда мамлакатимиз аҳолиси ўртасида “Қора жума” деб номланган акция кенг муҳокама қилиниб, сўнгги йилларда аҳолини оммавий савдога жалб қилишнинг маркетинг усули сифатида қўлланилмоқда. Динимизда “жума” сўзи ва урф-одатлар муқаддас, ардоқли тушунчани билдиради. Шунинг учун юртимиздаги савдо марказлари эгалари ва барча тадбиркорларни “қора жума” сўзини “саховатли жума” атамаси билан алмаштиришга чақираман”, – деди муфтий ҳазратлари.

Жума мусулмонлар учун муқаддас кун бўлганлиги сабабли “Қора жума” номини “Саховатли жума” деб ўзгартириш, муфтийнинг фикрича, аксарият ислом анъаналарига содиқ қозоғистонликларга нисбатан ҳурмат бўларди.

“Саховатли жума” доирасидаги акция фуқароларимиз, юртдошларимиз ўртасида яхши муносабат ва қўллаб-қувватлашга эга бўлишига ишонаман”, – деди у.