Қозоғистон Республикаси Ҳаво ҳужумидан мудофаа кучлари учувчисиз самолётлар сафини турк техникаси билан тўлдиришни режалаштирмоқда, деб хабар беради Казинформ мухбири.

“Бу йил мамлакатга Туркиянинг “Анка” разведка ва зарба бериш аппаратини етказиб бериш режалаштирилган. Умуман олганда, мамлакатимиз Қуролли Кучларида турли мақсадлар учун мўлжалланган учувчи учиш аппаратлари мавжуд. Хусусан, ҳозир биз Исроилнинг «Skylark-1» ва Хитойнинг Wing Loong» дронларидан фойдаланмоқдамиз», — дея жавоб берди Қозоғистон Республикаси Мудофаа вазирлиги Казинформ агентлиги сўровига. 

Департаментнинг аниқлик киритишича, батафсилроқ маълумотлар махфий ҳисобланади. 

“Фаол учувчисиз учиш аппаратларининг аниқ сони тўғрисидаги маълумотлар ҳарбий сир даражасида сақланади”, — дея қўшимча қилди Қозоғистон Республикаси Мудофаа вазирлиги. 

Аввалроқ Қозоғистон ва Туркия кадрлар тайёрлаш ва ҳарбий фанлар соҳасида ҳамкорлик қилишни режалаштираётгани хабар берилганди.