"Вагнер” ХҲК асосчиси Евгений Пригожин Россия раҳбариятига, олигархларга, президент маъмуриятига ва билвосита, давлат раҳбари Владимир Путиннинг исмини айтмасдан, мисли кўрилмаган кескин танқид билан ҳужум қилди.

23 июнь, жума куни ўзининг ҳарбий компаниясига алоқадор Телеграм-каналда эълон қилинган видеода у Россия элитасини йирик коррупцияда, шунингдек, Украинада ўз манфаатлари йўлида уруш бошлаганликда айблади.

Олдинги чиқишларида бўлгани каби, Пригожин кўпроқ Россия Мудофаа вазирлигига ва шахсан вазир Сергей Шойгуга ташланди. Ярим соатлик видео ёзувда, бу интервюнинг фақат биринчи қисми эканлигини айтган Пригожин Москванинг Украина армияси "Донбассни 8 йил давомида бомбардимон қилгани" ҳақидаги даъволарини рад этади. Унинг айтишича, НАТО ва Украина Россияга ҳужум қилиш ниятида бўлмаган. Унинг сўзларига кўра, ҳарбий вазирлик Путин ва жамоатчиликни алдамоқда ва “уруш Шойгунинг маршал унвонини  олиши учун керак бўлган”.

Бундан ташқари, “Вагнер” гуруҳи раҳбари уруш олигархлар – “бугунги кунда Россияни амалда назорат қилаётган клан” манфаатлари учун бошланганини таъкидламоқда. Унинг сўзларига кўра, 2014 йилдан бери “Донбассни президент маъмурияти, махсус хизматлар ва ўзига жалб этган Курченко каби олигархлар талаб келган”.

Пригожин, шунингдек, Владимир Зеленский Украина президенти бўлганида “ҳар қандай келишувга” тайёр бўлганини таъкидлайди. “Чўққидан тушиб, бориб, музокара олиб бориш керак эди”, дейди Пригожин.