Кеча Президентимиз Шавкат Мирзиёев Сирдарё вилоятига ташрифи давомида вилоят фаоллари билан учрашув ўтказди. Якунда самимий мулоқот бўлиб ўтди.

– Адолатли жамият қуриш йўлида референдумга, конституцияга ўзгартириш киритиш бўйича тайёргарлик қиляпмиз. Мана биргина мисол, Конституцияга ўзгартириш киритиш бўйича биринчи августгача 150 мингта таклиф тушди. Одамларимиз эртанги кунга бефарқ эмаслигинидан далолат бу. Муаллимлар, олимлар, тадбиркорлар, ветеранлар, нуронийлар ва ҳоказо. Ҳаммаси ўз йўналиши бўйича жамиятда қандай раҳбарият бўлишидан қатъи назар конституция, қонун бизни ҳимоя қилсин,  деяпти. Мана, муҳокама тугаб, комиссия ишлаяпти. 1 августдан кейин ҳам икки ярим мингта таклиф келиб тушган. Мукаммал, халқчил, халқнинг дардига кафолат бўладиган конституцияни яратиш учун менинг таклифим шошилмаслик керак. Нега десангиз, 150 минг аҳоли келажакда ҳам мана шу ташаббусларга ўзларининг таклифларини беради. Биргина мисол, очиқ бюджет бўйича одамлар ўрганди. Адолат бўлса, жамиятда ўзгариш бўлади. Тасаввур қилинг, ҳар бир ажратилган маблағ очиқ бюджетда бўлиб, одамлар қўл қўйса, қандай яхши бўлар эди. Ўн карра кўп адолат дегани, ўн беш карра маблағ тежалади. Бу менинг конституциям деб халқ қабул қилиши учун яна бир марта халқ билан маслаҳатлашамиз. Нега деганда, таклифларнинг тўғри, нотўғрилигини, қабул қиламиз, қабул қилмаймиз, ва нимага қабул қиламиз, нимага қабул қилмаймиз, 150 минг таклиф бўйича одамларга жавоб бериш керак. Шундай замон келяпти, мени ҳам эшитибди, деган фикр пайдо бўлади. Мен ўйлайманки, шошилмаслик тўғри қарор бўлади, деб таъкидлади давлатимиз раҳбари.