Нью-Йорк полицияси 21 ёшли Нафиа Икромга ҳужум қилган эркакни қидирмоқда. Америка – Ислом алоқалари кенгаши маълумотига кўра, 15 кун касалхонада даволанишига тўғри келган муслима талабанинг кўзлари кўрмай қолган.

Видеокузатув камералари тасвирларида ҳужум қандай содир бўлгани акс этган: онаси билан йўлда кетаётган Нафиага орқадан бошига капюшон ташлаб олган озғин эркак яқинлашган. У қизнинг олдига ўтиб, юзига кислота сепгандан кейин қочиб кетган. Полиция ҳужумни қўлга туширишга ёрдам берадиган маълумот учун 100 минг доллар мукофот эълон қилди. 

Нафиа Икромнинг боши ва кўкак қисми кучли куйди, у кўриш имкониятдан маҳрум бўлди. Унга ким ва нима учун ҳужум қилгани ҳозирча номаълум. Мусулмон ҳуқуқ ҳимоячилари Нафианинг тиббий харажатларини тўлаш мақсадида 300 минг доллар йиғиш учун хайрия кампанияси бошлашди.