Нигериянинг Кано штатида ҳисба (шариат) полицияси 3,8 миллион шиша пивони йўқ қилди. Маҳаллий Punch нашрининг ёзишича, штатда спиртли ичимликлар ишлаб чиқариш ва ичиш мумкин эмас.

Ҳисба вакили Шайх Ҳорун ибн Синонинг айтишича, шишалар бир неча ой олдин мусодара қилинган. Улар Тудун-Калебава қишлоғида йўқ қилинди.

“Штатда спиртли ичимликларни сотиш, истеъмол қилиш ва сақлаш тақиқланган”, – дея таъкидлади у. Шунингдек, Шайх Ҳорун ибн Сино штат маъмурияти пиволарни йўқ қилишни маъқуллаганини маълум қилди.

Кано волийси Абдуллоҳ Гандуже эса у бошчилик қилаётган штат энг тинч ҳудудлардан бири эканини, чунки штатда гиёҳвандлик ва бошқа иллатларга қарши қатъий кураш олиб борилаётганини айтди. 

Мусодара қилинган пиволар аввал бульдозерлар билан эзилган, кейин эса ёқиб юборилган.