Якшанба куни Yeti Airlines компаниясининг ички рейси Непалнинг Похара шаҳрида қулаши оқибатида камида 68 киши ҳалок бўлди. Бу мамлакатда ўттиз йилликдаги энг катта авиаҳалокатдир.
Пойтахт Катмандудан 72 киши билан парвоз қилган самолёт қулаган тоғ ёнбағрида юзлаб қутқарувчилар қидирув ишларини олиб борди.
2000 йилдан бери Непалда самолёт ёки вертолётнинг қулаши оқибатида 350 га яқин одам ҳалок бўлди. Дунёдаги 14 та энг баланд тоғларнинг саккизтасидан бири бўлмиш Эверестда тўсатдан об-ҳаво ўзгаришлари парвоз учун хавфли шароитларга олиб келиши мумкин.
Европа Иттифоқи хавфсизлик нуқтаи назаридан 2013 йилдан бери Непал авиакомпанияларини ҳудудига киришни тақиқлаган.
"Самолёт якшанба куни соат 10:50 да Похара аэропорти билан алоқага чиқди, кейин қулаб тушди. Камида 68 киши ҳалок бўлгани тасдиқланди", дейилади фуқаро авиацияси маъмурияти баёнотида.
