Канадалик мусулмон ҳуқуқшунос профессор жанубий Онтарио штатидаги Симко кўлида дўстини қутқармоқчи бўлганида чўкиб кетди.

Доктор Ҳакан Акар ўғли ва икки дўсти билан машҳур Онтарио кўли атрофида юрганида бир кишининг ёрдам сўраб додлаётганини эшитди.

Акар ва унинг ўғли чўкиб кетаётган одамнинг ҳаётини сақлаб қолиш учун сувга сакраган. Бироқ, Акар уни қутқариб, ўзи толиқиб қолган ва шунинг натижасида у чўкиб кетган. 

У ердагилар зудлик билан қутқарув хизматига қўнғироқ қилди. Қутқарувчилар 10 дақиқадан сўнг етиб келди. Аввалига у сувда кўринди, чунки сув жуда тиниқ эди. Ғаввослар сувга шўнғиди, лекин уни чиқариб ололмади.  

“У бу ерда жамиятда меҳрибон ва ҳурматга сазовор бўлган одобли инсон эди. Иншааллоҳ, шаҳид мартабасини топди деб умид қиламиз. Бу Торонто учун катта йўқотиш”, дейди Акар билан 20 йилдан бери дўст бўлган Юнус Йилмаз.