Мўғулистон пойтахтида “Мўғулистон маданиятида қадимий туркий ёзувнинг бугуни ва келажаги” иккинчи симпозиуми бўлиб ўтди.
Биринчи симпозиум Туркиянинг Измир шаҳридаги Котиб Чалабий университетида ташкил этилганди.
Измир Котиб Чалабий университети маълумотига кўра, симпозиумнинг очилиш маросими Мўғулистон Маданий мерос маркази конференция залида бўлиб ўтди.
Симпозиум Турк тилшунослик жамияти, Турк ҳамкорлик ва мувофиқлаштириш агентлиги (ТİКА) кўмагида ҳамда Измир Котиб Чалабий университети, Мўғулистон Давлат университети, Мўғулистон маданий мерос маркази ва ЮНEСКО Туркия Миллий комиссияси ҳамкорлигида ташкил этилди.
Симпозиумда турли университетлардан олимлар ва академиклар иштирок этди. Туркия Фанлар академияси раҳбари, профессор Музаффар Шакар Турк-Ислом илми ва маданий мероси лойиҳасининг дунёнинг турли бурчакларида ёзилган асарларни илм-фан оламига олиб кириш имконини яратганини қайд этди.
Измир Котиб Чалабий университети ректори Соффат Коса мазкур географияда муҳим илмий ишлар олиб борилаётгани, бу борада вилоятдаги учта йирик университет билан ҳамкорлик алоқалари олиб борилаётганини таъкидлади.
“Ишончим комилки, бу тадқиқотлар Туркия ва Мўғулистон илм-фанини ривожлантиришга, улар ўртасидаги дўстликни мустаҳкамлашга хизмат қилади”, деди у.
Тадбирда, шунингдек, Мўғулистон Президенти маъмуриятининг маданий ва диний сиёсат бўйича бош маслаҳатчиси Бум Ошчир Дулаам, Турк ҳамкорлик ва мувофиқлаштириш агентлигининг Улан-Батор Эмраҳдаги координатори Устаумар, ЮНEСКО ишлари бўйича Туркия Миллий комиссияси раҳбари, профессор Ўжал Ўғузлар иштирок этди.
