Мусулмон менинг биродарим!

"Албатта, мўминлар биродардирлар!" ("Ҳужурот" сураси, 10-оят).

Агар мусулмон ўз биродари билан урушиб қолса ўрталарини ислоҳ қиламан!

"Бас, икки биродарингиз ўртасини ислоҳ қилинг, Аллоҳга тақво қилинг, шоядки, раҳм қилинсангиз" ("Ҳужурот" сураси, 10-оят).

Ўзим ҳам урушмайман!

"Барчангиз Аллоҳнинг ипини маҳкам тутинг ва бўлиниб кетманг." ("Оли Имрон" сураси, 103-оят).

Мусулмонларга раҳмдилман!

"Муҳаммад Аллоҳнинг Расулидир. У билан бирга бўлганлар кофирларга шиддатли, ўзаро раҳмдилдирлар." 

("Фатҳ" сураси, 29-оят).

Уларга қўполлик қилмайман, бешафқат бўлмайман!

"Агар қўпол, қалби қаттиқ бўлганингизда, атрофингиздан тарқаб кетар эдилар. Бас, уларни афв этинг. Уларга истиғфор айтинг ва улар билан ишларда машварат қилинг." ("Оли Имрон" сураси, 159-оят).

Мусулмонлардан ўтганларининг ҳам, тирикларининг ҳам ҳақларига дуо қиламан!

"Эй Роббимиз, бизни ва биздан аввал иймон билан ўтган биродарларимизни мағфират қилгин, қалбимизда иймон келтирганларга нафрат солмагин, эй Роббимиз, албатта, сен шафқатли ва меҳрибонсан», ("Ҳашр" сураси, 10-оят).

Ўзим эса шундай дейман:

"Албатта, менинг намозим, ибодатларим, ҳаёт ва мамотим оламларнинг Робби Аллоҳ учундир." ("Анъом" сураси, 162-оят).

Устоз Муббашир Ахмад