Москвада масжидлар қурилиши узоқ ва машаққатли жараён, аммо намоз ўқиш жой етишмаётган бўлса, намозхона очиш мумкин. Москва шаҳри Миллий сиёсат ва минтақалараро алоқалар департаменти бошлиғи Виталий Сучков РИА “Новости”га берган интервьюсида ана шундай деди.
Аввалроқ Россия муфтийлар кенгаши раҳбари ўринбосари, Москва вилояти муфтийси Рушан Аббясов Москвада ҳатто маҳаллий мусулмонларнинг ўзи учун ҳам масжидлар етарли эмаслигини, шу боис Москвага келувчи мусулмонлар сонини камайтириш ва янги намозхоналар очиш вазиятни яхшилашга ёрдам беришини айтган эди.
“Гап шундаки, ҳеч ким намозхоналар очишни тақиқламайди. Ҳудудда масжид қуриш – бу бутун бошли жараён. Ибодатхона қурилиши ҳақида қарор қабул қилиниши учун таклифни шаҳар депутатлари билан муҳокама қилиш, розилик олиш, маҳаллий аҳоли иштирокида оммавий тингловларни ўтказиш зарур”, – дея тушунтирди Сучков.
