Сонора шимолида мухбир Хуан Аржон Лопеснинг жасади топилди.
Мамлакат шимолидаги Сонора штатида Хуан Аржон Лопеснинг жасади топилганидан сўнг, йил бошидан буён Мексикада ўлдирилган журналистлар сони 14 нафарга етди.
Штат бош прокурори Клаудия Индира Контрерас Кордоба матбуот анжуманида A Que Le Temes газетаси мухбири Лопес 9 августдан бери бедарак йўқолганини айтди.
62 ёшли Лопеснинг ҳамкасблари ва оила аъзолари уни охирги марта 8 август куни кўрганини айтишган.
Лопеснинг ғойиб бўлгани ҳақида маълум бўлгач, расмийлар қидирув гуруҳи туздилар.
Мексикада матбуот вакилларига қарши зўравонлик тўлқини тўхтовсиз давом этмоқда. Журналист Хосе Луис Гамбоа 10 январ куни Веракрус штатида ўлик ҳолда топилди.
Мамлакатда 2022 йил “журналистлар учун энг ҳалокатли йил” бўлиб қолмоқда.
Инсон ҳуқуқлари ташкилотлари президент Андрес Мануел Лопес Обрадорни журналистларга босим ўтказишда айбламоқда.
“Чегара билмас мухбирлар” ташкилотига кўра, 2000 йилдан бери мамлакатда ўлдирилган журналистлар сони 150 нафардан ошган.
