Бу ҳақда икки муқаддас масжиднинг бош раислиги маълум қилди
Энди масжиднинг 100-эшиги Саудия Арабистонининг марҳум қироли Абдуллоҳ бин Абдулазиз номи билан аталади.
Шайх Абдурраҳмон Судайснинг айтишича, ном бериш Қиролликнинг икки муқаддас масжидга хизмат кўрсатиш, уларни кенгайтириш ва зиёратчиларга ўз маросимларини бемалол бажариш имконини берувчи юқори сифатли хизмат кўрсатиш саъй-ҳаракатлари доирасида амалга оширилган.
Шунингдек, Абдурраҳмон Судайс Саудия подшолари ҳар доим икки муқаддас масжидга катта ғамхўрлик қилгани, масжидлар ва уларни зиёрат қилувчиларга энг яхши хизмат кўрсатиш муҳимлигини таъкидлади.
Маълумот учун: Маккадаги Масжидул Ҳаромнинг 210 та дарвозаси бор.
