Марокашнинг Бағдоддаги элчихонаси 9 йиллик танаффусдан сўнг ўз фаолиятини давом эттирмоқда. Мазкур воқеа тарихий ришталарга эга икки давлат ўртасидаги ҳамкорликнинг бошланиши ҳисобланади. Бу ҳақда Ироқ ташқи ишлар вазири Фуад Ҳусайн марокашлик ҳамкасби Носир Бурита билан Бағдодда бўлиб ўтган учрашув якунлари бўйича маълум қилди, деб ёзади INA ахборот агентлиги.
Томонлар икки томонлама ҳамкорлик ва Бағдодда Марокаш элчихонасини очиш масалаларини муҳокама қилди.
Вазирлар сиёсий ва дипломатик мулоқотни кенгайтиришга, шунингдек, Ироқ-Марокаш қўшма комиссияси йиғилиши ишини бошлашга келишиб олдилар.
Марокашнинг Бағдоддаги элчихонаси 2014 йилда Даиш террорчилари Ироқнинг бир қанча ҳудудларига ҳужум уюштирганидан сўнг ёпилган эди.
Консуллик операциялари Уммондаги Марокаш элчихонаси орқали амалга оширилди.
