Марокаш чоршанба куни кечқурун Стокголмдаги марказий масжид олдида Қуръон мусҳафини йиртиб, ёқиб юборгани учун Швециядаги элчисини чақириб олди, деб хабар бермоқда мамлакат давлат ахборот агентлиги.
Марокаш ташқи ишлар вазирлиги, шунингдек, Швеция бош дипломатини Работга чақириб, қироллик воқеани қоралашини ва бу “қабул қилиб бўлмайдиган” жиноятни рад этишини маълум қилган.
Чоршанба куни ўзини Салван Момика деб таништирган эркак Стокголмдаги масжид олдида полиция қўриқлаши остида мусулмонлар муқаддас китоби нусхасини ёқиб юборган эди.
Ҳодиса мусулмонларнинг Қурбон ҳайити байрамининг биринчи кунида содир бўлган.
12 июнь куни Швеция апелляция суди қуйи суднинг Қуръонни ёқишга қўйилган тақиқни бекор қилиш тўғрисидаги қарорини тасдиқлаб, полициянинг шу йил бошида Қуръон ёқишга қарши иккита норозилик намойишини олдини олишга қонуний асоси йўқ, деган қарорга келган эди.
