Ливия Бош вазири Дибайба Саудия Арабистонининг Ал-Ҳадас телеканалига мамлакатдаги сайлов жараёни билан боғлиқ баёнотлар берди.
"Сайлов комиссияси йиллар эмас, бир неча ой ичида (сайловларни ташкил этишга) тайёр. Конституция асосида консенсусга эришилса, Ливияда сайловлар ўтказилиши мумкин" деди Дибайба.
Дибайба Ливияда "3 миллион сайловчи билан сайлов ўтказилиши учун босим ўтказганликларига" диққат қаратиб, сайлов жараёнидан четга чиқишга ҳаракат қилаётганлар борлиги ҳақида огоҳлантирди.
Ливияда сайловлар боши берк кўчада
Ливияда бир муддат Абдулҳамид Дибайба ва Фатҳий Башага бошчилигидаги икки алоҳида ҳукумат мавжуд. Бу ҳолат мамлакатдаги беқарорликнинг давом этишига сабаб бўлмоқда.
2020 йил ноябр ойида бўлиб ўтган Ливия Сиёсий мулоқот форуми йиғилишларида мамлакатда президентлик ва парламент сайловларини 2021 йил 24 декабрда ўтказишга қарор қилинган, бироқ сайловлар белгиланган санада ўтказилмаган.
Тобрукдаги Вакиллар Палатаси 10 февралда мамлакат ғарбидаги депутатларнинг кўпчилиги қатнашмаган йиғилишда амалдаги Миллий Бирлик Ҳукуматининг ваколати 2021 йил 24 декабрда тугаши ва 1 март куни Бошага ҳукуматига ишонч овози бергани сабабли бош вазир этиб сайлади.
Ливия Миллий Бирлик Ҳукумати Бош вазири Абдулҳамид Дибайба Вакиллар Палатасини Женева келишувида белгиланган йўл харитасидан четга чиқишда айблаб, ўзининг вақтинча “пост”да эканини ва бу вазифани фақат сайланган ҳукуматга топширишини маълум қилди.
