Бироз олдин Буюк Британиянинг Ливерпуль шаҳридаги портлаш ҳақида хабар берган эдик. Мазкур портлашнинг янги тафсилотлари пайдо бўлди. The Sun газетасининг ёзишича, ҳайдовчи террорчи деб тахмин қилинган шахсни таксига қамаб қўйган ва шу тариқа Ливерпуль кўчаларида кучли портлашнинг олдини олган.

«Қаҳрамон такси ҳайдовчиси фожианинг – Хотира кунидаги портлашнинг олдини олди, деб тахмин қилинган террорчини машинасига қамаб олди», — дейилади нашрда.

Газетанинг ёзишича, террорчи кўп сонли одамлар иштирокида маросими ўтказилаётган Ливерпулдаги соборга бомба қўймоқчи бўлган.

«Йўловчи ҳайдовчидан соборга боришни сўраган, шунинг учун биз унинг мақсади деб ҳисоблаймиз. Лекин улар тирбандликда қолиб кетишганидан сўнг собор ўрнига касалхонага боришни сўраган», деган ҳайдовчининг дўсти Daily Mail нашрига.