Ливан Банклар уюшмаси ёзма баёнотини эълон қилди.

Баёнотда ҳар бир банк 26 сентябрдан эътиборан одатдаги тартибда ишлашда давом этиши таъкидланади. 

Банклар ассоциацияси 16 сентябрь куни бутун мамлакат бўйлаб филиалларга бир вақтнинг ўзида ўтказилган рейдлар туфайли банкларнинг 3 кунга ёпилишини маълум қилган, бунда уларнинг депозит ҳисоблари музлатилган, кейин эса бу муддат иккинчи эълонга қадар узайтирилган эди.

Ливандаги иқтисодий инқироз ва банк рейдлари

Ливандаги валюта заҳиралари камайишининг олдини олиш мақсадида 2019 йилдан бери барча хорижий валютадаги депозит ҳисобварақлари музлатиб қўйилган. 

Ливан Марказий банки 2021 йил ноябрь ойида фуқароларнинг пулларини чекланган ва ҳукумат томонидан белгиланган курс бўйича олиб қўйиши мумкинлигини эълон қилди. 

Бу ўзгаришлар туфайли мамлакатда вақти-вақти билан турли нохуш воқеалар юз бериб туради. Масалан, пойтахт Байрутда бир шахс пулларини ололмагани учун банк ходимларини кун бўйи гаровга олиб, кейин таслим бўлди. 

Байрутда 14 сентябрь куни Сали Ҳофиз исмли аёл пулини олиш учун банкка бостириб кирган ва ҳисобидаги 13 минг долларни олиб, филиални тарк этган. 

Ҳофиздан кейин 16 сентябрь куни мамлакатнинг турли ҳудудларида камида 7 марта банк рейдлари ўтказилди.