Украинанинг НАТОга аъзолиги масаласи альянснинг 2023 йил июль ойида Вилнюсда бўлиб ўтадиган саммитида кўриб чиқилади, деди Литва президенти Гитанас Науседа Испаниянинг El Pais газетасига берган интервьюсида.

«Бу аъзолик тўғрисида қарорлар қабул қилинади дегани эмас, лекин Киевга аниқ хабар юбориш учун чоралар кўриш керак: биз Украинани НАТОга имкон қадар яқинлаштириш учун зарур саъй-ҳаракатларни амалга оширамиз», деди Науседа.

Аввалроқ Украина президенти Зеленский НАТОдан ўз ҳудудидаги ҳарбий можаро тугаганидан кейин мамлакат НАТОга қабул қилиниши ҳақида аниқ сигнал беришни сўраган эди.