Ларби Тебессий, асл исми Ларби Ферҳатий, 1891 йилда Черия-Тебесса вилоятида туғилган, жазоирлик инқилобчи ва ислоҳотчи, Жазоир мусулмон уламолари уюшмаси президенти эди. У 1957 йил 4 апрелда Жазоир уруши пайтида, Жазоирдаги уйида десантчилар қиёфасини кийган шахслар томонидан ҳибсга олинганидан кейин ғойиб бўлган. Француз ҳарбийлари унинг ҳибсга олинишини ҳамон рад этади.
У болалигини Туниснинг Нафт шаҳрида ўтказган, кейин Мисрдаги Ал-Азҳар ва Тунисдаги Зайтуна университетларида таҳсил олган. Кейинчалик у Жазоир мусулмон уламолари уюшмасида фаол иштирок этди ва Жазоирга қайтганидан кейин уюшма президенти бўлди.
Ларби Тебессий 1943 йилда ҳибсга олинган ва кейинроқ озод қилинган. 1945 йил 8 майда Сетиф ва Гуэлма қирғинидан кейин яна қамоққа ташланган. Ларби Тебессий мактаб ташкил этишга ва мустамлакачиликка қарши ғояларини тарқатишга ҳаракат қилди.
Шайх Ларби Тебессий 1956 йилда Миллий озодлик фронти тамойилларини бирлаштирган уламолар уюшмасининг асосий оқими вакили эди. Бунга Константиноа бўлими бошлиғи ва Миллий Озодлик Фронти асосчиларидан бири Зиғуд Юсуф ва 1955 йил 20 августдаги қўзғолоннинг таъсири катта бўлган.
Шайх Ларби Тебессий 1957 йилда француз армияси командослари томонидан ўлдирилган. Унинг жасади қиздирилган мойда ёқиб юборилган ва унинг жасади қолдиқлари ҳали ҳам Жазоир халқига қайтарилмаган. Кўпгина жазоирлик инқилобчилар сингари қолдиқлари Франциядаги музейларда сақланади.
Айтишларича, Ларби Тебессийни ўлдиришаётган, уни қизиб турган мойда куйдиришаётганда буюк шайх дод-фарёд қилмаган, фақат тавҳид калимасини айтиб жон берган экан.
Аллоҳ раҳматига олсин!
Ёқуб Умар тайёрлади
