Ижтимоий тармоқларда Кореяда Ўзбекистон фуқаросининг вафот этгани, унинг жасадини Ватанга қайтариш учун ёрдам сўралгани ҳақида хабарлар тарқалганди.
Мазкур масала юзасидан Ташқи меҳнат миграцияси агентлигининг Кореядаги ваколатхонаси томонидан ўрганишлар олиб борилди. Маълум бўлишича, Қашқадарё вилоятида 1996 йилда туғилган, қарийб 4 йилдан буён ушбу давлатда ишлаб келаётган фуқаро Т.Ж. соғлиғи ёмонлашгани (юрак хуружи) оқибатида 2022 йилнинг февраль ойида вафот этган.
Ташқи меҳнат миграцияси агентлигининг маълум қилишича, вафот этган фуқаро билан боғлиқ ташкилий масалалар, асосан, унинг дўстлари кўмагида амалга оширилди. Унинг жасадини Ўзбекистонга қайтаришда амалий ёрдам кўрсатилди.
