Янги президент давлат бошқарув услубига халқнинг норозилик кайфияти авж олган пайтда сайланди.
Пойтахт Боготанинг собиқ мери ва ҳукуматга қарши исён кўтарган М-19 ҳаракати аъзоси Густаво Петро Колумбия президентлигига сайловда ғалаба қозонди.
Густаво Педро 50,4 фоиз овоз тўплаб, асосий рақиби бизнес магнат Родолфо Ҳернандесни 700 000 мингга яқин сайлов бюллетини фарқи билан мағлуб этди.
Мамлакат ўнлаб йиллар давомида мўътадил ва консерваторлар томонидан бошқарилган, эндиликда янги раҳбардан катта ўзгаришлар умид қилинмоқда.
Маълумот учун, 62 ёшли Петро М-19 исёнчилар гуруҳининг жанговар аъзоси бўлган, бунинг учун у 1980 йил қисқа муддатга қамоққа олинган. Гуруҳ 1985 йилда 100 га яқин одамнинг ўлимига сабаб бўлган қарама-қаршиликда мамлакатнинг олий судьяларини айбдор деб билиб, уларни гаровга олган ва бу ҳаракати билан машҳур бўлган эди.
Янги президент халққа университетларда бепул таълим, пенсия ислоҳотлари ва қашшоқликка қарши кураш, нефть-газга қарамликдан чиқишни вада берган.
