Украина ҳукумати Россиянинг эҳтимолий босқинига қарши бомбапаноҳларни тайёламоқда, дея хабар беради “Евроньюс”.  

Пойтахт Киевда ана шундай бомпаноҳлардан бири масжид ертўласида жойлашган бўлиб, декабрь ойида шаҳар маъмурияти уни хавфсизлик талабларига мувофиқлаштиришни сўраган.

«Биз бу бинони сотиб олдик, таъмирладик ва Ислом маданияти марказига айлантирдик. Лекин ўтган йилнинг декабрь ойида Киевдаги бомбапаноҳлар жойлашган харита эълон қилингандан сўнг ертўламиз бошпана учун мўлжалланганини тушундик», – дейди имом Сожид Исмоилов.

Илгари ертўлада спорт зали бўлган. Хавфсизлик протоколларига кўра, ҳужум содир бўлган тақдирда, бошпана бир соат ичида одамларни қабул қилишга тайёр бўлиши керак.

“Бомбапаноҳ нафақат мусулмонлар, балки унга муҳтож бўлган барча фуқаролар учун очиқ бўлади”, – дейди имом.

Ҳаммаси бўлиб Киевда 500 дан ортиқ бомбапаноҳ мавжуд, уларнинг асосий қисми метрода жойлашган.