Каталонияда Испания билан минтақа мустақиллиги бўйича янги референдум ўтказиш режалаштирилмоқда.
Бу ҳақда Каталония ҳукумати раҳбари Пере Арагонеснинг баёнотига асосланиб, Рейтер агентлиги хабар берган.
Арагонес Каталонияда янги референдум ўтказиш учун Мадриднинг кўмаги зарурлигини таъкидлаган.
“Бу навбатдаги овоз беришнинг энг тезкор ва самарали усули эканлигига шубҳам йўқ, чунки у 2017 йил (сўнгги референдум 2017 йилда бўлиб ўтган) сабоқларига асосланади ҳамда натижани амалга оширишга тўсқинлик қилган қийинчиликларни енгиб чиқади”, - деган Арагонес.
Минтақа ҳукумати раҳбарининг сўзларига кўра, унинг таклифи «энг кенг қамраб олувчи, демократик ва халқаро ҳамжамият учун тушунарли» бўлиб, у Каталониянинг барча сиёсий кучлари ёрдамига таянади.
Бироқ Испания расмийлари Арагонеснинг бундай ташаббусини маъқулламоқчи эмас.
«Уларнинг шундай максималистик интилишлари борки, ҳукумат буни мутлақо қўлламайди», деган Испания ҳукумати матбуот котиби Изабел Родригес.
Эслатиб ўтамиз, июнь ойидаги ижтимоий сўров натижаларига кўра, Каталония аҳолисининг 52 фоизга яқини Каталония мустақиллигига қарши, 41 фоизи эса уни қўллаб-қувватламоқда.
Шунингдек, аввалроқ Каталония 2030 йилги қишки Олимпия ўйинларини мустақил равишда ўтказиш ниятида экани маълум қилган эди.
Каталониядаги референдум ҳақида
2017 йил 1 октябрда Каталонияда овоз бериш жараёни баҳсли бўлган мустақиллик референдуми ўтказилган эди. У 1978 йилги Конституцияни бузгани учун Испания Конституциявий суди томонидан ноқонуний деб топилди ва бекор қилинди. 2017 йил 27 октябрда Каталония парламентининг мустақилликни рамзий равишда эълон қилишига олиб келгани Испания ҳукумати томонидан Конституциянинг 155-моддасидан фойдаланган ҳолда тўғридан-тўғри бошқарувни жорий этишга, Ижроия кенгаши ва парламентни тарқатиб юборишга олиб келди. Шунингдек, 2017 йил 21 декабрга белгиланган, мустақиллик тарафдорларининг ғалабаси билан якунланган навбатдан ташқари минтақавий сайловлар. Собиқ президент Карлес Пучдемон ва беш нафар собиқ вазирлар Испаниядан қочиб, бошқа Европа давлатларида бошпана топишган. Вазирлар маҳкамасининг яна тўққиз аъзоси, жумладан, вице-президент Ориол Юнкерас қамоқ жазосига ҳукм қилинган. Ким Торра 2018 йил 17 май куни Испания судлари бошқа уч номзодни блоклаганидан сўнг Каталония ҳукуматининг 131-президенти бўлди.
2018 йилда Каталония Миллий Ассамблеяси Каталония номидан Ваколати бўлмаган Миллатлар ва Халқлар Ташкилотига (UNPО) қўшилди.
2019 йилнинг 14 октябрь куни Испания Олий суди Каталониянинг Испаниядан мустақиллиги бўйича референдумни ташкил қилишда иштирок этган бир неча Каталония сиёсий етакчиларини қўзғолон уюштириш ва давлат маблағларини нотўғри ишлатишда айблаб, 9 йилдан 13 йилгача қамоқ жазосига ҳукм қилди. Бу қарор бутун Каталонияда намойишларга сабаб бўлди. Кейинроқ улар Испания ҳукумати томонидан афв этилган ва 2021 йилнинг июнь ойида қамоқдан чиқарилди.
Ёқуб Умар тайёрлади
